المطرب محمد شاهين يعلن عن إصابته بفيروس كورونا
أمنية عبدالعال
أعلن نجم استار أكاديمى المطرب محمد شاهين عن إصابته بفيروس كورونا عبر حسابه "فيس بوك"، واعتذر لكل من اختلط به الفترة الماضية، وكتب: "الحمد لله والشكر لله إيجابى كورونا، آسف لأى حد شوفته الفترة اللى فاتت، يا ريت الكل يخلى باله وياخد حذره ويعمل المسحة".
وكان محمد شاهين قد طرح أحدث أغانيه والتى تحمل اسم "100 هزة" على طريقة الفيديو كليب، وهى من كلمات حسام سعيد، وألحان أحمد أبو زيد، وتوزيع زووم، ومن إخراج عادل سرحان.
وتقول كلمات الأغنية:
الأرض اتهزت ١٠٠ هزة وأنت معدى عليها قصادى
لفت بيا الدنيا ف لحظة واللى حصل فيا ده مش عادى
قولى منين جيتلى وفين رايح وياريت يا حبيبى تفهمنى
موقف قلبى أنا منك واضح طب ايه موقف قلبك منى
لو عايز وقت تفكر فيه أنا من إيدك دى لإيدك دى
بالى طويل جدا على فكره ومدام أنا قلبى شاورلى عليك
مش هرتاح غير لما أوصل ليك هتشوف بعينيك كل ده بُكره
ماتعودتش أضيّع فُرصه علشان ماضمنش تجيلى تانى
وأما بحب بجد لا بنسى ولا بسمح حتى بنسيانى
يذكر أن المطرب محمد شاهين طرح فى رمضان الماضى، دعاءً دينيًّا بعنوان "صوت الأذان"، من كلمات سيد عزمى، وألحان وليد سامى، وتوزيع إسلام الحسن، ومن تصوير محمود بامبو.
