شقيق بدرية طلبة مهاجماً : انتي ميتة بالنسبة لي من زمان
أثار وليد طلبه شقيق الفنانة بدرية طلبة حالة واسعة من الجدل عبر مواقع التواصل الاجتماعي بعد أن اتهم شقيقته بتزييف موته في كتب كتاب ابنته وطالبت جمهورها بالدعاء بينما لا يزال هو على قيد الحياة.
وعبر حسابه على فيس بوك، كتب وليد طلبة "يا جماعة الفنانة بدرية اللي كانت المفروض اختى منزلة نعي عني أنى أتوفيت والمفروض اللي في النص دي كانت بنتي، وعشان رفضت أروح كتب كتابها النهاردة طلعوا عليا شائعة الموت بجد حسبى الله ونعم الوكيل فيكم".
وتابع وليد طلبة "أنتم كلكم ميتين بالنسبة لي من سنتين لما سبتوا البيت ونزلتوا الساعة 2 بالليل، جايين دلوقتي تحتاجولي في كتب الكتاب، أنا يا جماعة مليش عيال وعيال مين اللي يعلقوا على شائعة على أبوهم أنه مات والله يرحمه وأنا على وش الدنيا.. عيال مين اللي أروحلهم تاني أنا خلاص ماليش ولا عيال ولا أهل وأخوات".
وأضاف شقيق بدرية طلبة "وأنتِ يا فنانة بدرية ميتة بالنسبة لي من زمان.. وإن شاء الله اللي قولتيه عليا بالكدب هيتقال على جوزك يوم فرح بنتك بالصدق انشاء الله.. وانتظروا مني أحلى مفاجآت ليكم يا اللي المفروض كلكم أخواتي ومن بطن واحدة انتظروا مني أحلى مفاجآت للكل وأنتو اللى بدأتوا الحرب معايا".
يذكر أن آخر أعمال بدرية طلبة كان مسلسل "اللي مالوش كبير" من بطولة ياسمين عبد العزيز وأحمد العوضي وخالد الصاوى ودينا فؤاد وإيمان السيد وهو من تأليف عمرو محمود ياسين وإخراج محمود فكري وإنتاج سينرجى.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ