يوسف سوستة صاحب مهرجان "شيماء": هدخل امتحانات النقابة وبخلص الأوراق خلاص (فيديو)
قال يوسف سوستة، صاحب مهرجان "شيماء"، إن عمره 23 عاما، وبدأ الغناء منذ الصغر، موضحا: "أول مرة غنيت كنت في 3 ابتدائي في إذاعة المدرسة، واحترفت الغناء من 4 - 5 سنين، ومعنديش حد معين قدوة ليّا، وأنا بعمل كل الألوان وبسمع كل الناس وكل أنواع المزيكا، وإن شاء الله أكمل معاكم وأكون عند حسن ظن الناس".
أضاف سوستة، خلال مداخلة هاتفية مع الدكتور معتز عبد الفتاح مقدم برنامج "تحت الشمس" عبر قناة "الشمس": "الميل للنوع ده من الأغاني اللي بنقدمها عشان الجمهور هو اللي جابرنا على كده، والغرض أن الأغاني دي يسمعها كل الفئات مش بس فئات الناس اللي في الشارع والأفراح، ومش أي كلام يتقال عشان برضو في أطفال".
وردا على سؤال "مش خايف تتمنع زي مطربي المهرجانات اللي اتمنعوا؟"؛ قال: "أنا بحترم كل الناس وعلى دماغي، وأنا هدخل امتحانات النقابة وبخلص الأوراق خلاص".
وتصدر مهرجان "شيماء" تريند مواقع التواصل الاجتماعي نظرًا لغرابته وما تضمنته كلماته، فضلاً عن طريقة تصوير الفيديو كليب.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ