تعرف على قصة المطرب فوزى عبده مع سلطان المطرب جورج وسوف
أمنية عبدالعال
المطرب فوزى عبده ابن قرية الصفا بمدينة تمي الامديد بالمنصورة ، قال في تصريحات خاصة لـ "صدى الأمة ":منذ الصغر وأنا بقرا القران وبنشد الاناشيد المدرسية ، لما كبرت والدي كان ضد حلمي وهو الغناء ، حصل موقف غريب مرة كان في خطوبة لشاب مصري في الاردن وانا كنت من ضمن المدعويين فطلب مني أغني ،وانا كان بقالي اكتر من سنتين مغنتش طلعت اغني غنيت حوالي ساعتين كنت ذي المحروم و بقا كل اللي قاعدين يحيوني بفلوس كتير ،اتصلت تليفونياً بوالدي وقولتلو حصل كذا كذا وقالي انا واثق فيك إشتغل بس إتقي الله "
وأضاف المطرب فوزى :" وصلت مصر سنة 2001 عملت أغنية طير يا طير بس مكنتش اقدر اصور فيديو كليب وقتها كانت غالية جدا ، فالغنوة نزلت في كوكتيل ، إتفاجئت انت الاغنية اتاخدت في كوكتيل وانتشرت بإسم جورج وسوف وبصورتو وهو لابس كاب
فاكر وقتها موقف حصلي " كنت قاعد باكل مع صحابي في مطعم فسمعت طير يا طير بعد أغنية لوائل جسار فبصراحة فرحت جداً ، فواحد من صحابي راح للشيف يقولوا المطرب اللي بيغنى موجود هنا .. قالوا فين؟؟.. قالوا اللي هناك ده .. قالوا يابني ده جورج وسوف اللي بيغني ،وقتها صاحبي رجع زعلان ، فبقوله مالك؟ قالي الاغنية محطوط عليها اسم أبو وديع
وقتها عرفت إن ربنا كتب عليا العذاب "
وقال بكل حزن "تشابه صوتي مع جورج وسوف مكنش ميزة ، بالنسب ليا كان نقمة وليس نعمة "
وهنا أغنية "كارت أحمر" للمطرب فوزي عبده من كلمات صلاح مندي ،وألحان وليد عبدالعظيم،و توزيع جورج سمير
ونُسبت هذه الأغنية لسلطان الطرب جورج