اغنيه "بابلو اوعي تقابلو" لـ حسن الرداد واردني
طرحت الشركة المنتجة لمسلسل "بابلو" للفنان حسن الرداد الأغنية الدعائية للعمل، استعدادا لطرحها في موسم رمضان 2022.
الأغنية تم طرحها على طريقة المهرجانات وغناها حسن الرداد ومغني المهرجانات أردني، وهي من كلمات محمود عبد الله وتوزيع أبو عبير.
وتقول كلمات الاغنيه
بابلو اوعى تقابله
كلم ماما يا روح بابا ، هات الشله ولم صحابك
انت وقعت في وسط عصابة ، اجمد كده وامسك أعصابك .
مش تتشاقى يا واد يا حماده ، جاي تتنطط على أسيادك
هنا مش لعبة ودي مش غابة ، اوعى تفكر نفسك حاجه
احذرو خافوا من عركتوا ، في اللعبة كينج يالا وهي دي حتته
و اااه البس قناعك ال شيلته واوه علشان لو شافك في سكته
ابعد عن وشي السعادي كلكوا تلطيش مفيش تراضي
طب دب طخ انت فاضي
ايوه عارف اني بالنسبالك دادي
اوعى تعمل فيها خطر ، بابلو جيه المرعب حضر
بابلووووووو ....
تنافس مين بلاش الهطل كان العجوز يقومله قومه بس اتسطل
مش قولتلك الخصومه ثابته واللقاء حسب الظروف
على الله بنفسينا محدش خيره علينا كبرنا على ايدينا عيال كانت تتمنى السيط
احنا لا يُعلى علينا كله ظهر وسطينا مين يقدر يعادينا انتم أشبال وبتوع تنطيط
يسطا انتوا فين انا فوق ضربت النار كتير عملت شوووو
انتوا هنا نو انتو هنا نو
متعلقين يا شقيق ومربوطين بالطوق
طلقه للأعداء طلقه للأخصام دماغي مش معايا رايحه في الحرام
يسطا انتو قله هنقسمكم بالجرام
احنا نضلم المدينه ونظهر في الظلام
بابلووووووو
مش هتمشي بالتراضي مش هتمشي بالمحبه هتمشي بالمشاكل
يعني .. يعني .. يعني كله هيستخبى
مسا انا جيت اديكوا جزاه نكسر العيون لو بصه مركزه
يااه هي جايه معايا كده انا رايق كل الناس دي متناكده
يالا كله أحفادي يتجمعوا
بابلووووو
بابلو بيدلعوا
مداس ودانه بنسمعه
اخصامنا مننا ولعوا
كلم ماما يا روح بابا
انت وقعت في وسط عصابة ، اجمد كده وامسك أعصابك .
مش تتشاقى يا واد يا حماده ، جاي تتنطط على أسيادك
هنا مش لعبة ودي مش غابة ، اوعى تفكر نفسك حاجه
مفيش داعي ال جاي كله بتاعي
نهينا وانتهينا
وتدور أحداث مسلسل "بابلو" في أجواء من الأكشن ويناقض قضايا الإتجار بالبشر وتجارة الأعضاء.
ويقدم حسن الرداد شخصية الشاب "سيد بابلو" والذي ينتمي لإحدى المناطق الشعبية، ويلقي الضوء على العديد من القضايا التي تشغل الرأي العام، ودائمًا ما تثير الجدل حين طرحها.
"بابلو" بطولة حسن الرداد وأروى جودة ومصطفى فهمي ونجلاء بدر ومحمد جمعة وسلوى عثمان وعبد الرحمن أبو زهرة ورشوان توفيق، ومن تأليف حسان دهشان، وإخراج محمد عبد الرحمن حماقي.
يذكر أن مسلسل "بابلو" هو التعاون الثالث بين حسن الرداد والمخرج محمد عبد الرحمن حماقي، بعد مسلسل "شاهد عيان" الذى تم عرضه في شهر رمضان 2020، وشارك في بطولته هنا شيحة وبسمة ومحمد لطفى ووليد فوزا، وفيلم "تحت تهديد السلاح" الذي تم الانتهاء من تصويره ومقرر عرضه قريبا ويشارك في بطولته مي عمر وشيرين رضا وفتحى عبد الوهاب.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ