رانيا محمود ياسين : جيلنا إتهرس منى ذكى وغادة عادل أخدوا فرصتهم
قالت الفنانة رانيا محمود ياسين إن تركيزها على عملها في الإعلام لمدة ثلاث سنوات أضر بمسيرتها في التمثيل، لكنها تخطط للعودة واستعادة مكانتها في هذا المجال.
وأوضحت خلال استضافتها في برنامج "كلام الناس" الذي تقدمه الإعلامية ياسمين عز عبر قناة MBC مصر أن أكثر من منتج عاتبها على الابتعاد عن التمثيل والتركيز على الإعلام، وهذا سبب عدم عرض أدوار عليها.
وردا على سؤال عن الفرصة التي تبحث عنها في التمثيل أجابت: "أنا بدور على الفرصة اللي أستحقها مش مسألة بطولة. أنا اختفيت وتأخرت عن جيلي عشان كنت مركزة في بيتي وولادي، وبعد كده فترة 3 سنين في الإعلام، وحظي مكانش حلو، فالتوقفات الكتير خلت ناس تاخد مكاني، وهدفي في الفترة القادمة أرجع آخد مكاني."
وأضافت معلقة على قولها "جيلنا اتهرس": "أنا جيلي كان غادة عادل ومنى زكي وهما خدوا فرصتهم وبقوا نجوم، لكن في ناس في جيلي مخدتش فرصتها ومنهم رانيا فريد شوقي، وفاء صادق، ونرمين الفقي اللي ظهرت قبلي وكانت نجمة كبيرة في فترة، ودلوقتي بترجع تاني.
الظروف السياسية خلال الـ 10 أو 11 سنة الماضية خلت جيلي اتهرس ومخدش فرصته."
وأكملت: "لما رجعنا بعد غياب 10 سنين اعتبروا إننا لازم نرجع في أدوار الأم لحد عنده 25 سنة، وأصبح الفنانة اللي كانت بتعمل دور أمي من 10 سنين المفروض تعمل دور صاحبتي وابنها في عمر ابني."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ